عوزة ابنك ياكل كويس جدااااااا يبقى لازم تعوديه على الطريقه السليمه0000000
عوزة ابنك ياكل كويس يبقى لازم تعوديه على الطريقه السليمه
للاسف ان بعض الامهات بتقيسها كدة
الله يشفيها حماتى
يالهوي الواد مكلش غير طبقين رز حرام ده بيتشاقى طول النهار
ياحماتي ده عيل مكملش 3 سنين
ياستي خليه ياكل بكرة الدنيا تسد نفسه
انت ايش فهمك
طبعا ده مش ابني
هنا للاسف مقياسها كم الاكل
ولم تركز على النوعيه
لاتعرف ان معدة الطفل صغيرة لاتتسع لهذا الكم الكبير
منذ ولادة الطفل اذا تعلم الاياكل حتى يجوع
ستبقى محفورة بداخله مدى الحياه
يعني مبدأ كل ميعيط رضعيه ان شالله كل 5 دقايق
واحنا نتصفى مش مهم المهم هوه يرضع
وبرده مبيسكتش لانه مش جعان وبيرضع لله وللوطن
ثم يبدأ الصراع ناكل الولد من 6 شهور
لأ
خلاص تم 3 شهور ابدأي معاه خلاص كده
ولو سلمنا ان بعض الامهات تبدا مع اولادها من اربع شهور مش قبل كده
فيكون حجات خفيفه ومسلوقه
وللاسف بعض الناس مهما حاولت شرح وجهة نظرك وبالعقل والمنطق
والابحاث وكلام الاطباق ابدا
ده انا ابني دكتور ولامرة قلي متاكليش العيل باميه ورز
يالهوي
هنا كنا بنتكلم عن طفل يادوب ست شهور
اعتراضي مش عالباميه والرز
لكن التسبيكه الي فيهم
والسمنه البلدي
ولو ان الباميه حاميه عالمعده الكبير قبل الصغير
انا مش هتطرق لنوعيات الاكل والاعمار والكلام
لانها محتاجه موضوع لوحدها
لكن كل شيء لازم يكون وحده وحده
اكثر مايهمني انك تعرفيه
ان الطفل خصوصا في السنوات الخمس الاولى
لايركز على الطعام كثيرا
يعني ممكن يفوت وجبه علشان يلعب
لان لديه مدارك اخرى
وعالم من حوله يريد اكتشاف اكبر قدر منه
لهذا عليك اختيار نوعيات الطعام
لانه هياكل ويجري
وهياخد الي يسد جوعه ويقوم
فخلي الي يسد جوعه يفيده ايضا
كيف اتعامل مع طفلي الرافض للطعام
؟؟
اول واجمل طريقه
الاياكل لوحده
وان تجتمع الاسره في الوجبات الثلاث
او المتواجد منها
الطفل يحب جو المشاركه
وبيكون مبصوت جدااااااا
لاتفوتي انتى اي وجبه
يعني لو فمرة قلتى مليش نفس اكل
والاكل عالسفرة هيفهم انه ممكن ارفض الاكل
اذا كان ابنك بدين او نحيف
لاتتحدثي كثيرا عن ذلك حتى لايصاب بالكابه ويرفض الطعام
يجب ان تعرفي ان طفلك الصغير لايحتاج للكثير من الطعام
يعني لو هياكل 3 او 4 معالق رز مع زيهم خضار
وزيهم سلطه وحته لحمه او فراخ صغيره هتكفيهم
عودي طفلك على مواعيد للطعام
مبقلش بالدقيقه
لكن في خلال الساعه
وهتلاقيه بعد فترة كل يوم في نفس التوقيت يجوع
علمي طفلك طقوس للطعام
غسل اليدين الجلوس التسميه الدعاء
وبالمشاركه هيكون مبصوتين جدااااااااااااا
زي مقلت فالاول ان معدة الطفل صغيره
يعني بتتملي بسرعه
وبرده بعد 3 او 4 ساعات لو عرضتي عليه ياكل هياكل
بس ياريت تكون فاكهه خيار جزر كده
يعني مش بسكوتات وشبسي وشكولاته وحجات تضره اكتر متفيده
خلي طفلك يختار طعامه لان ده هيخليه
يتشجع اكتر انه ياكل
وخليك متحكمه فالاختيارات الي قدامه يعني متكتريش الاصناف
لانه ممكن يطلب كذا حاجه مينفعوش سوا
وحسسيه انك سعيده لانه اختار حاجه مفيده وطعمها حلو
ابني لما اساله معندوش غير فاصوليا او حواوشي
شكلي طبق الطعام لطفلك
يعني بلاش الرز عالخضار عاللحمه ويلا كل
خلي فيه الوان متنوعه
فاجئيه باشكال لنفس الطعام كل يوم شكل
وكل يوم طريقه
وريحه حلوة
حسسيه بسعادتك انه قاعد جنبك وبياكل لوحده
وانه الاكل الي عملتيه عجبه
حاولي عند اقتراب موعد الطعام الاياكل شيء يسد جوعه مهما كان صغير
لانه عالاغلب هيسدله نفسه
وهيرفض الاكل
بيني له اهميه الاطعمه باشياء تهمه
مثلا البيض والحليب هيخلوا سنانك حلوة والنمل ميقربش منها
الخضار هتخلي شعرك حلو وناعم خصوصي البنات
الفاكهه هتخليك قوي وعندك عضلات
يعني من هذا القبيل
لو اكل بمجرد وضع الطعام ولم يعاند كافئيه
هتلعب او هنروح مشوار نتمشى
للتحفيز
لاتبيني لطفلك انزعاجك لرفض الطعام
لانه برايه اثار اهتمامك ولو بشكل سلبي
دعيه يساعدك في تحضير الطعام
لانه هيفرح انه بياكل من صنع ايده
لاتتفاجئي اذا رفض ابنك طعام اكله من اسبوع
لانه في هذه السنوات تكون الشهيه متغيرة ومازالت غير ثابته
وعندى ليكم اغنيه حلوا علشان الخضار
احنا الخضار احنا مين زينا مين فينا معادن
فينا فيتامين خص وطماطم فلفل وجزرررررر نحمى
الاسنان ونقوى النظر الله علينا بلزيت والليمون دوق سلطتنا
تكون ممنون
وان شاء الله الموضوع يفيدكم
الإثنين سبتمبر 05, 2011 1:30 pm