ساجد والبالونات

Admin عدد المساهمات : 1397 تاريخ التسجيل : 15/05/2011

[size=24][b][b][b]
ساجد والبالونات

كان يا مكان يا سعد يا اكرام
وما يحلا الكلام الا بذكر النبي عليه السلام
كان فيه ولد اسمه ساجد واخته سجى

كانوا بيحبوا يلعبوا مع بعض

بس دايما ساجد مبيسمعش كلام اخته الكبيره ابدااااااا
وفي يوم من الايام دخل ساجد على اخته
وقالها
هاااااااااااااااااااااااااااااااااااااااااا
انا اشتريت بلالين كتير حلوة احلا من بالوناتك
شايفه جمالهم؟

قالته يااااااااااه دووول حلوين قوى قوى
بس حاسب وانت

يا ترى يحاسب من ايه؟؟؟؟؟؟

حاسب وانت ماسكهم كده لتطير معاهم

وطااااار ساجد في الهوا
وفضل يصرخ الحقيني يا سجـــــــــــــــــــــــــــــى

وسجي اتخضت وطلعت تجري وراه

حد يلحقنا ساجد طااااار

والناس اللي في الشارع سمعوها وطلعو يجرو وراها

وساجد عمال يعيط انا عايز انزل

وفضل ساجد طاااير والهوا يزقه
وسجي والناس بتجري وراه لحد
ما وصل فوق الغابه

والناس عماله تفكر حاننزله ازاي دلوقتي

وواحد قال احنا نفرقع البالونات

نحدف عليهم طوب ونفرقعهم

وابتدو يجمعو الطوب

وسجي كانت خايفه علي ساجد اما البالونات تفرقع

والناس راحت حادفه الطوب
بوم بوم بالونات تفرقع

وفضل عددها يقل وساجد يقرب من الارض
وكان خايف يقع
وساعتها حس بغلطته انه مش لازم يغيظ اخته تاني

وقرر اول ماينزل حايصالحها

وخلاااص بقي فاضل بالونه واحده

وقرب ساجد قوي من الارض
والناس اتجمعت عشان تمسكه

ونزل ساجد علي ايد الناس
وقال الحمد لله محصليش حاجه

وجري علي سجي واعتذر لها

ورجعو البيت سوا بعد ما ساجد اتعلم انه غلط يغيظ اخته [/u][/center][/b][/b][/b][/size]