فأر القريه وفأر المدينه

Admin عدد المساهمات : 1397 تاريخ التسجيل : 15/05/2011

[b][b][b][b]
فأر القريه وفأر المدينه

كان يا ما كان
كان فيه اتنين فيران اصحاب قوى قوى قوى
بس واحد منهم عايش في القريه وكان اسمه
فرافيرو

والتانى ابن ذوات عايش في المدينه وكان اسمه
فوفو

فرافيرو عزم فوفو وقاله تعالى يا فوفو عندى نقضي وقت جميل سوى
وفوفو مكدبش خبر
هواااااااااااااااااااا
كان عند صاحبه
بس للاسف واجب الضيافه كان مش قد كده خالص
هم شويه الشعير ع حبه حبوب كده
ف فوفو قاله ايه ده انت ازاى عايش كده؟؟
مش ممكن لالالالالا
لازم تيجي تزورنى في المدينه وتقب على وش الدنيا بقى!!!
فقام فرافيرو قاله ماشي يا فوفو انا هجيلك قريب قوى

وفعلا صدق فرافيرو في وعده وراح لفوفو في المدينه
وكان لازم فوفو يورى لفرافيرو الاماكن السياحيه
في البيت اللي عايش فيه فاخده لاجمل واحلا مكان ممكن فار يقضي يومه فيه
ودااااااااااااااااه
فين يا ترى؟؟
هاااااااااا
عرفتوا؟؟
لا لسه؟؟
وداه المطبخ

يا عيني على المطبخ وجمال المطبخ
ولا الدرج ده الواحد يقدر يوصله بمنتهى السهوله
نياهاهاهاهاه

ده فوفو بيضحك ضحكه خبيثه
وراح بكل لؤم شال بلاطه كان مستخبي وراها كيس سكر كبير قوى قوى

وقام فوفو قرم كيس السكر بسنانه
وعزم صاحبه بقلب جامد وقاله
ايه رايك في حلاوة السكر بتاعنا بقى؟؟
فرافيرو فضل ياكل وياكل وياكل وكمان فوفو
ملاها على الاخر
وفرافيرو بيقول ايه الجمال ده ؟؟
انا عمرى ما دقت حاجه بالطعامه دى؟؟
وكان عمال يبص لفوفو ويحسده في سره
ويقول يا بختك عايش في النعيم ده متهنى وانا مش لاقي اللقمه ووووو
ولسه بيحسد صاحبه قام لقى باب المطبخ اتفتح بالجامد والطباخه جايهتاخد الدقيق
لقى صاحبه بيهمس في ودانه اجرى بقولك اجرى
بسرعه
فجريوا باسرع ما يمكن لغايه ما وصلوا للحفره اللى طلعوا منها
المهم بعد ما عرفوا يهربوا
كان فرافيرو في حاله ذهول

قام فوفو قاله مالك يا بنى ولا يهمك
هى شويه كده وهتسيب المطبخ هنرجع نقزقز براحتنا

الطباخه خلصت اللي وراها في المطبخ ومشت وقفلت الباب
قاموا متسحبين

وكان فوفو محضر لفرافيرو مفاجاه عظيمه
اخده من ايده لركن جانبي كده موجود فيه برطمان خوخ مجفف رهيب

لا وكمان سيبينه مفتوح

يا هناك يا سعدك يا فرافيرو
ده انت مامتك دعيالك يا عم

المهم فضلوا يزوقو ويدحرجوا البرطمان لغايه ما محاولتهم نفعت
ووقع عليهم كميه من الخوخ فضلوا يمزمزوا فيها

وعم فرافيرو من كتر حلاوة الطعم مش قادر ياكل بسرعه اكتر من كده
عشان يلحق ياكل كل الخوخ اللي طعمه هااااااااااااااااااااااااايل

وفجاه وبدون سابق انذار سمعوا صوت خربشه على الباب

لا وكمان صوت بيعمله الف حساب اي فار بيحترم نفسه
صوت
ميااااااااااااااااااااااااااااااااااااااااو

عالي ومخيف

بس فرافيرو سال فوفو
هو ايه الصوت ده؟؟

قام فوفو قاله وهو مرعوب وبصوت واطى قوى
هسسسسسسسسسسسسسسسسسسسسسسسسسس
اجرى باقصى سرعه على قد ما تقدر
ومن مبادئ فوفو ان الهرب نص الجدعنه
فخد ديله في سنانه وفووووووووووووووووووووووووو
كان في مخباه الامين

وعم فرافيرو حصله

دى يا سيدى القطه هانم افضل واحده تصيد فيران في المدينه بحالها

لو لا قدر الله مسكتك اعرف انك هتبقى في خبر كان

لالالالالالالالالالالالالالالا كده اعصابي باظت خالص
بقولك ايه ما بلاش نروح لدرج المطبخ ده تانى
فوفو:لا يا بنى اصبر على رزقك ده انا هوريك القبو بتاع البيت
فيه حاجه مخصوص هناك

وراحوا فعلا القبو ده اللي هو عباره عن مكان بيتخزن فيه كل حاجه
اكل وخلافه

وعم فرافيرو مصدقش نفسه من اللي شافه
اشي جبنه

على زبده
على تفاح
ايه العز ده

مبقاش ملاحق يقرم ايه ولا ايه
وراح عند حته جبنه رهيبه زغللت عينيه
بس كانت محطوطه في حاجه غريبه كده
بس فرافيرو قال وماله هاكلها
هو اكل وبحلقه
ولسه هيقرمها
لقى صاحبه بيصرخ
ايـــــــــــــــــــــــــــــــــــــــــــــــا ك

استغرب فرافيرو وقاله ليه؟؟
فوفو:
دى مصيده فيران مجرد ما سنانك تقرم الجبنه
الحديده هتنزل على راسك تموتك فوراااااااااااااا
او ممكن تنزل على ديلك تقطعه

فرافيروا بص للجبنه وبص لصاحبه
وبعدين قال لصاحبه
بقولك ايه
سلام يا صاحبي
انا رايح ارجع القريه بتاعتى
اكل شويه الشعير على حبه الحبوب
بدل المرار والرعب اللي عشته الساعات اللي فاتت

ولا تقولى خوخ ولا جبنه ولا زبده
ملهمش طعم اذا طعمهم هيخليني اموت في اي لحظه
السلام عليكم

وفعلا راح للقريه وعاش بسلام ومتهنى[/b][/b][/b][/b]